Film

  • Filmi: 4 Könige | © Kristian_Leschner / Port au Prince Pictures GmbH

    Katër mbretër

    Për shkak të konflikteve në familje të dala nga kontrolli pak para Krishtlindjeve, katër të rinj të ndryshëm nga njëri-tjetri e kalojnë natën e shenjtë të Krishtlindjeve në psikiatri. Për fatin e tyre të mirë ata kanë në krah një mjek disi jokonvencional, dr. Volf, i cili sheh te këta katër të rinj forcën e tyre, duke pasur besim te ta më tepër se ata në veten e tyre. [Më shumë...]

  • Filmi: Lamtumirë Evropë | © XVerleih / Mathias-Bothor

    Lamtumirë Evropë

    Jeta e shkrimtarit austriak Shtefan Cvajg në mërgim. Në kulmin e famës së tij botërore ai detyrohet të mërgojë jashtë vendit dhe pavarësisht që strehimit të sigurt, mikpritjes dhe natyrës madhështore tropikale të shumë vendeve, ai nuk arrin të gjejë gjetësi si në atdheun e tij. [Më shumë...]

  • Filmi: Sy për sy | © Wolfgang Ennenbach

    Sy për sy

    Djaloshi 10-vjeçar Miki jeton qëkur s'mban mend në një shtëpi sociale për fëmijë. Kur një ditë të bukur atij i bie në dorë adresa e të atit, atë e pret një surprizë e madhe: Tomi është xhuxh, çka e kthen përfytyrimin e Mikit për figurën e babait komplet përmbys. Udha për t'i sjellë ata më pranë është e vështirë. [Më shumë...]

  • Filmi: Tapë dhe xurxull | © Sehr gute Filme

    Tapë dhe xurxull

    Tobiasi dhe Shishja janë shok të ngushtë. Të dy me mjekër, bullafiqë dhe me humor të mirë pas gotës së tretë. Natën tapë dhe ditën të shkalafitur – ndërkohë që nga ana tjetër po rrënojnë familjen dhe punën. Dhe kështu një alkoolist nuk heq do qafe shokun e tij të ngushtë. [Më shumë...]

  • Filmi: Deri në gjysmë të rrugës | © Rommel Film / Foto Andreas Dresen

    Deri në gjysmë të rrugës

    Franku dhe Simona kanë realizuar ëndrrën e tyre dhe jetojnë së bashku me të dy fëmijët në një shtëpi të vogël në mes të një blloku shtëpish të ngjashme në periferi të qytetit. Ata janë një çift i lumtur, por deri në ditën kur te Franku diagnostikohet një tumor në tru. Kjo e bën familjen të përballet në mënyrë të papritur me vdekjen. [Më shumë...]

  • Filmi: Dhuratë e Perëndisë | © If... Productions

    Dhuratë e Perëndisë

    Një aktore e papunë dhe tetë burra e gra të tjerë gjithashtu të papunë prej një kohe të gjatë takohen në një kurs aktrimi. Aktores i duhet të formojë nga kjo tufë ujqërish të pikëlluar dhe të vetmuar një grup të bashkuar dhe të sjellë në skenë pjesën teatrore “Antigona”. [Më shumë...]

  • Filmi: Mes dy botëve | © Independent Artists Filmproduktion

    Mes dy botëve

    Ushtari gjerman Jepser regjistrohet përsëri për një mision ushtarak në luftën e Afganistanit. Detyra e tij është të mbrojë një garnizon pranë një fshati të vogël nga sulmet e Talibanit. Mirëpo vendimet, që ai duhet të marrë, janë shumë më tepër sesa thjesht të vështira. [Më shumë...]

  • Filmi: Lola | Burimi i fotos: Goethe-Institut

    Lola

    Në vitin 1957 në qytetin e vogël të Bavarisë veriore Koburg vjen një drejtor i ri në ndërmarrjen e ndërtimit, një burrë i pakorruptueshëm dhe energjik. Në këtë qytet ai martohet me vajzën e re Lola, të cilën në fillim e njeh me emrin Mari-Luiza dhe pa pasur aspak dije për jetën e saj të dyfishtë. [Më shumë...]

  • Filmi: Lektisja e Veronika Fosit | Burimi i fotos: Goethe-Institut

    Lektisja e Veronika Fosit

    Aktorja e varur nga droga Veronika Vos nuk po arrin të ketë më të njëjtin sukses si dikur. E pashpresë për këtë ajo kryen vetëvrasje, ndërkohë që në radio po dëgjohet bekimi i Papës me rastin e festës së pashkëve. [Më shumë...]

  • Filmi: Martesa e Maria Braunit | Burimi i fotos: Goethe-Institut

    Martesa e Maria Braunit

    Një histori nga vitet e rimëkëmbjes së Gjermanisë pas Luftës së Dytë Botërore. Maria Braun arrin me kohën një zhvillim social, por për karrierën e saj paguan me një çmim tepër të lart njerëzor. [Më shumë...]

  • Filmi: Shteti kundër Fric Bauerit | © Martin Menke / zero one film GmbH

    Shteti kundër Fric Bauerit

    Ky film inskenon vitet vendimtare të punës së prokurorit të përgjithsëm Fric Bauer të prokurorisë së Frankfurtit, i cili synon të ndjekë penalisht përgjegjësit e regjimit nazist dhe çështjet lidhur me ta pas Luftës së Dytë Botërore. [Më shumë...]

  • Filmi: Ngjyra e oqeanit | © BR / Südart / Pere Pueyo

    Ngyjra e oqeanit

    Një turiste e re gjermane bëhet gjatë pushimeve të saja në ishujt Kanarie dëshmitare e mbërritjes së një varke me refugjatë afrikanë. Nga dhembshuria ajo përpiqet të ndihmojë një burrë dhe djalin e tij të vogël të hyjnë ilegalisht në shtetin spanjoll. [Më shumë...]

  • Filmi: Tingulli brenda meje | © Beta Cinema

    Tingulli brenda meje

    Maria gjendet në një krizë identiteti, por jo në kuptimin e mirëfilltë të fjalës. Ajo e di se kush është, një notare rrugës për në Amerikën e Jugut. Por ajo nuk di më, se kush ka qenë: me sa duket jo e bija e biznesmenit gjerman Anton Falkenmajer, siç kishte besuar deri më tani. [Më shumë...]

  • Filmi: Babai | Burimi: Goethe-Institut

    Babai

    Novi 9-vjeçar dhe babai i tij e nxjerrin bukën e gojës vetëm duke shitur cigare kontrabande. Një ditë i ati vendos të emigrojë në Gjermani për një jetë më të mirë. [Më shumë...]

  • Filmi: Në labirintin e heshtjes | © Heike Ulrich / CWP FIlm Universal Pictures

    Në labirintin e heshtjes

    Një ngjarje e bazuar në një histori të vërtetë mbi komplotin e disa institucioneve dhe degëve të mirënjohura qeveritare për të mbuluar krimet naziste nga Lufta e Dytë Botërore. [Më shumë...]

  • Filmi: About a Girl | © Bastian Fischer / Imbissfilm

    About a Girl

    Sharlina 15-vjeçare, një vajzë e shkathët dhe mistrece, është një fanse e çmendur e këngëtarit Kurt Cobain dhe pyet veten, se pse "të rritesh" është kaq e ndërlikuar. Një ditë, kur ndihet tepër melodramatike dhe rebele me veten, ajo vendos t'i heqë spinën jetës e saj. Por për fat të mirë përpjekja dështon ˜– ajo zbulon, se sa të bukura janë jeta dhe dashuria në të vërtetë. [Më shumë...]

  • Filmi: Detektivët e makaronave | Burimi: Goethe-Institut

    Detektivët e makaronave

    Një dyshe djemsh: njëri pak dembel, por i ndjeshëm për shkak të fantazisë së tij dhe botëkuptimit që ka, kurse tjetri një tip i zgjuar, por pak i frikësuar. [Më shumë...]

  • Filmi: Prindër | © Kundschafter Filmproduktion GmbH Berlin

    Prindër

    Fillimisht Kristina dhe Konradi nuk shohin ndonjë problem te fakti që të dy kanë nisur nga një punë. Janë të lumtur me njëri-tjetrin, kuptohen mirë dhe më pas marrin edhe një vajzë au-pair për fëmijët e tyre. A do të ecin vallë mirë gjërat? [Më shumë...]

  • Filmi: Victoria | © Monkeyboy

    Victoria

    Një vajzë spanjole, e cila ka pak kohë që është shpërngulur në Berlin, zbulon pas flirtit me një djalë interesant, se aventura e tyre papritmas bëhet tepër serioze dhe nata me shokët e tij pikas një sekret të rrezikshëm. [Më shumë...]

  • Dokumentari: Taste the Waste | Burimi: Goethe-Institut

    Taste the Waste

    Përse hedhim kaq shumë ushqime në plehra? Dhe si mund ta parandalojmë këtë lloj shpërdorimi? E mahnitshme por e vërtetë: Rrugës nga ferma deri në tryezën e ngrënies, më se gjysma e ushqimit përfundon në plehra. Madje pjesa më e madhe e saj para se të arrijë tek konsumatori. [Më shumë...]

  • Filmi: Koha e Kanibalëve | © Pascal Schmit

    Koha e Kanibalëve

    Olers dhe Niderlender kanë çdo gjë nën kontroll. Për gjashtë vitet e fundit ata, si dy konsulentë të suksesshëm biznesesh, kanë udhëtuar nëpër disa nga vendet më të mjera të botës në mënyrë që të kënaqin lakminë e klientëve të tyre. [Më shumë...]

  • Filmi: Rhythm is it! | © Royston Maldoom

    Rhythm is it!

    Projekti i parë dhe më i madh arsimor i grupit filarmonik të Berlinit i drejtuar nga pedagogu britanik Royston Maldoom, ku marrin pjesë 250 fëmijë dhe adoleshentë që vijnë nga shtresa të ndryshme shoqërore e gjeografike dhe që studiojnë koreografinë e tij. [Më shumë...]

  • Filmi: Jack | © Jens Harant

    Jack

    Filmi 'Jack' flet për zhvillimin e një dajli, i cili mësoi të mbajë përgjegjësi që në moshë të vogël. Në fund ai na befason me një vendim, i cili me guximin e tij na përplas me shpatulla pas murit. [Më shumë...]

  • Filmi: Në kohën e ëndrrave | © Rommel Film – Pandora Film / Peter Hartwig

    Në kohën e ëndrrave

    Katër djem të rinj në periudhën pas rrëzimit të murit: Dani, Riko, Marku dhe Pali 'provojnë' epokën e re pas bashkimit të Gjermanive dhe pas fundit të RDGj-së. Ata vjedhin makina, provojnë drogën dhe hapin një diskotekë të tyre – një klub me muzikë tekno. [Më shumë...]

  • Filmi: Kebab Connection | © Goethe-Institut

    Kebab Connection

    Një komedi ndërkulturore gjermane me një adoleshent turk, i cili ëndërron të xhirojë filmin e parë gjerman me kung-fu, por që padashje lë të dashurën e tij gjermane shtatzënë. [Më shumë...]

Kreu i faqes ↑