Goethe-Zertifikat A1: Start Deutsch 1

Dëshironi ...

të aplikoni si au-pair në Gjermani;
të paraqisni në ambasadë një dëshmi të njohurive gjuhësore për bashkim familjar;
të dëshmoni suksesin tuaj në gjuhën gjermane për nivelin A1;
të keni një certifikatë zyrtare të gjuhës gjermane të njohur në rang ndërkombëtar?

Goethe-Zertifikat A1: Start Deutsch 1 është një provim i gjuhës gjermane për të rritur, i cili dëshmon njohuritë bazë të gjuhës dhe përkon me nivelin e parë (A1) të shkallës gjashtënivelëshe të Kuadrit të Përbashkët Evropian për Referencat e Gjuhëve (KPERGj).

Nëse e kaloni provimin, ju tregoni ...

se mund të kuptoheni fare thjeshtë me bashkëbiseduesin tuaj, nëse ky i fundit flet ngadalë dhe qartë.
se mund të kuptoni dhe të përdorni shprehje dhe fjali të thjeshta, të cilat janë shumë të njohura, hasen në jetën e përditshme dhe përdoren shpesh (p.sh. informacionet rreth vetes dhe familjes; blerjet; puna; ambienti rrethues).
se mund të prezantoni veten dhe të tjerët si dhe t'i bëni pyetje të tjerëve rreth personit të tyre (p.sh. ku banojnë, cilët persona njohin apo me se merren).

Udhëzime për kandidatët e provimit
Duke qenë se vendet e provimit mund të zihen disa javë para afatit përfundimtar të regjistrimit, ju rekomandojmë që të regjistroheni sa më herët. Regjistrimi mund të kryhet gjatë ditëve të punës, të hënën deri të enjten midis orës 09:00-12:00 dhe 14:00-17:00 si edhe të shtunën midis orës 08:00-14:00.
Për regjistrimin dhe pjesëmarrjen në provim pranohet vetëm pasaporta e vlefshme.

Materiale ushtrimore
Teza ushtrimore dhe shabllone mësimore

Materiale për shkarkim

Çmimi: 12.000 Lek
Çmimi i ulur: 8.000 Lek*

* Çmimi i ulur prej 8.000 lekësh vlen vetëm për kandidatë, të cilët në çastin e regjistrimit për provim janë njëkohësisht edhe kursantë të Goethe-Zentrum.