Goethe-Zertifikat A2

Dëshironi ...

të dëshmoni njohuri të thjeshta të gjuhës gjermane;
të dëshmoni suksesin tuaj në gjuhën gjermane për nivelin A2;
të keni një certifikatë zyrtare të gjuhës gjermane të njohur në rang ndërkombëtar?

Goethe-Zertifikat A2 është një provim i gjuhës gjermane për të rritur, i cili dëshmon njohuritë fillestare të gjuhës dhe përkon me nivelin e dytë (A2) të shkallës gjashtënivelëshe të Kuadrit të Përbashkët Evropian për Referencat e Gjuhëve (KPERGj).

Nëse e kaloni provimin, ju tregoni ...

se kuptoni dhe dini të përdorni shprehje të hasura shpesh në situatat e përditshme.
se mund të orientoheni në biseda të thjeshta e rutinë, ku bëhet fjalë për shkëmbim informacioni rreth temave të njohura dhe të zakonshme.
se mund të përshkruani me fjalë të thjeshta prejardhjen dhe arsimin tuaj si dhe gjendjen dhe situatat në lidhje me nevojat e drejtpërdrejta.

Udhëzime për kandidatët e provimit
Duke qenë se vendet e provimit mund të zihen disa javë para afatit përfundimtar të regjistrimit, ju rekomandojmë që të regjistroheni sa më herët. Regjistrimi mund të kryhet gjatë ditëve të punës, të hënën deri të enjten midis orës 09:00-12:00 dhe 14:00-17.00 si edhe të shtunën midis orës 08:00-14:00
Për regjistrimin dhe pjesëmarrjen në provim pranohet vetëm pasaporta e vlefshme.

Materiale ushtrimore
Teza ushtrimore dhe shabllone mësimore

Materiale për shkarkim

Çmimi: 13.500 Lek
Çmimi i ulur: 9.000 Lek*

* Çmimi i ulur prej 9.000 lekësh vlen vetëm për kandidatë, të cilët në çastin e regjistrimit për provim janë njëkohësisht edhe kursantë të Goethe-Zentrum.