Goethe-Zertifikat B1

Dëshironi ...

të frekuentoni një kolegj për studime parauniversitare në Gjermani;
të jetoni dhe të punoni në Gjermani;
të dëshmoni suksesin tuaj në gjuhën gjermane për nivelin B1;
të keni një certifikatë zyrtare të gjuhës gjermane të njohur në rang ndërkombëtar?

Goethe-Zertifikat B1 është një provim i gjuhës gjermane për adoleshentë dhe të rritur, i cili konfirmon një përdorim të pavarur të gjuhës gjermane dhe përkon me nivelin e tretë (B1) të shkallës gjashtënivelëshe të Kuadrit të Përbashkët Evropian për Referencat e Gjuhëve (KPERGj).

Nëse e kaloni provimin, ju tregoni ...

që kuptoni informacionet thelbësore kur flitet qartë dhe në gjuhën standarde si dhe kur bëhet fjalë për tema të njohura, si puna, shkolla, koha e lirë, e.t.j.
që jeni në gjendje t'u bëni ballë shumicës së situatave, të cilat hasen gjatë udhëtimeve nëpër vendet gjermanishtfolëse.
që mund të shpreheni në mënyrë të thjeshtë dhe koherente rreth temave të njohura dhe fushave individuale të interesit.
që mund të flisni rreth eksperiencave dhe ngjarjeve, të përshkruani ëndërrat, shpresat dhe objektivat tuaja si dhe të jepni arsyetime dhe shpjegime të shkurtra.

Udhëzime për kandidatët e provimit
Duke qenë se vendet e provimit mund të zihen disa javë para afatit përfundimtar të regjistrimit, ju rekomandojmë që të regjistroheni sa më herët. Regjistrimi mund të kryhet gjatë ditëve të punës, të hënën deri të enjten midis orës 09:00-12:00 dhe 14:00-17.00 si edhe të shtunën midis orës 08:00-14:00.
Për regjistrimin dhe pjesëmarrjen në provim pranohet vetëm pasaporta e vlefshme.

Materiale ushtrimore
Teza ushtrimore dhe shabllone mësimore

Materiale për shkarkim

Çmimi: 18.000 Lek
Çmimi për një modul: 6.000 Lek
Çmimi i ulur: 13.000 Lek*

* Çmimi i ulur prej 15.500 lekësh vlen vetëm për kandidatë, të cilët në çastin e regjistrimit për provim janë njëkohësisht edhe kursantë të Goethe-Zentrum.